Lag digitale postkort og kalendrar med AI-design

AI-genererte bilete er ikkje kunst. Dei er råstoff. Med verktøy som MidJourney, DALL·E og Firefly kan du lage digitale produkt som ser ut som noko folk vil betale for. Postkort og kalendrar krev lite, gir mykje, og kan seljast direkte frå Joomla eller WordPress, eller via Etsy, Gumroad, Payhip og andre plattformer som toler PNG-filer med sjølvtillit.

1. Format og stil

Postkort: 1200×1800 px, ståande. Kalendrar: 12 bilete, eitt per månad, med typografi som ikkje ropar. Stilval: retro, lokal kultur, minimalisme, eller det AI-en trur er norsk natur.

2. Generering

Promptar som «Norsk fjord i 1960-talets reiseplakatstil» gir betre resultat enn «nice landscape». MidJourney for tekstur, DALL·E for kontroll, Firefly for Adobe-integrasjon. Test bileta. Forkast det som ser ut som ein turistbrosjyre frå ein plass som ikkje finst.

3. Layout og tekst

Canva, Figma og Photopea gjer jobben. Legg inn månad, stad eller ein kort tekst. Om du vurderer å forklare motivet, lat vere. Det held å vite at januar kjem etter desember.

4. Sal og distribusjon

Publiser på Etsy, Gumroad, Payhip, eller direkte frå Joomla eller WordPress med Stripe eller WooCommerce. Tilby som nedlastbare filer (PNG, PDF), eller som trykksaker via Printful eller Gelato. Unngå plattformer som insisterer på å vere sosiale.

5. Abonnement og sesongpakker

Kalendrar kan seljast som årspakke. Postkort kan distribuerast som månadleg abonnement: eitt nytt motiv kvar månad, med geografisk eller visuell samanheng. Stripe Subscriptions, Gumroad Memberships, eller WooCommerce med utvida modul gjer det teknisk mogleg. Resten er smak.

Eksempel på produkt

• 12 kalendarmotiv frå Vestlandet, med snø der det ikkje burde vere
• Postkortserie: «Nynorsk natur», utan dyr med for mange bein
• Retro reiseplakatar med norsk tekst og motiv som minner om noko du såg ein gong
• AI-generert kalender: «Eit år med surrealisme i Sogn»

AI gjev deg bileta. Du gjev dei filnamn, pris og ein plass å bu. Resten er distribusjon.